(प्रहार Today वृत्तसेवा) अमळनेर : शहरातील उत्तरेकडील गांधलीपुरा भागातील एका २८ वर्षीय महिलेचा खून झाल्याची प्राथमिक माहिती सकाळी सुमारे १० वाजेच्या सुमारास उघडकीस आली.
खून झालेल्या महिलेचे नाव शीतल जय घोगले असे असून, वय २८ रा.गांधलीपुरा सदर महिला मृत अवस्थेत बाजूला असलेल्या रिकाम्या जागेत पडलेली दिसून आली आहे.
त्या महिलेच्या डोक्याला मार लागलेला होता तसेच गळ्यावर आवळल्याचे व्रण तर डोक्यावर आणि हातावर वार केलेला दिसून आला.
घटनास्थळी डीवायएसपी सुनिल नंदवाळकर, पोलिस निरीक्षक विकास देवरे, पोलीस उपनिरीक्षक नामदेव बोरकर, हेडकॉन्स्टेबल संदेश पाटील, गणेश पाटील, सागर साळुंखे, जितेंद्र निकुंभे , निलेश मोरे, अमोल पाटील, सिद्धांत शिसोदे, स्थानिक गुन्हा अन्वेषण पथकातील पोलीस उपनिरीक्षक दत्तात्रय पोटे, रवि पाटील, दिपक माळी, प्रविण मांडोळे, संदिप पाटील यांनी घटनास्थळी पाहणी केली.
दरम्यान महिलेचे शव हे शवविच्छेदनसाठी अमळनेर ग्रामीण रुग्णालयात नेण्यात आले. पोलिसांनी विविध दिशेने तपासाची चक्रे तात्काळ फिरवायला सुरुवात केली आहेत.
